War hadda naga soo gaaray degmada Hodan ee gobolka Banaadir ayaa waxaa uu ku waramayaa in qarax gaari loo adeegsaday uu ka dhacay agagaar tarabuunka halkaas oo uu ku qarxay gaari uu watay ruux nafti halige ah uu ka tirsanaa kooxda argagixisada ah ee Alshabaab
Qaraxa ayaa la sheegayaa in loo adeegsaday gaari nooha ah waxaana ninka nafti haliga ah uu gaariga ku dhuftay gaari cabdi bile ah oo ka mid ahaa kolonyo milateri oo raacsan safaaradda Imaaraadka ee Soomaaliya meel u dhaw isbitaalka xoogga ee degmada Hodan.
Dhowr qof oo rayid ah oo ku dhaawacmay weerarkan ayaa la geeyay isbitaalka Madina ee Muqdisho, halkaas oo lagu daweynayo.
Qaraxa ayaa la sheegayaa in uu geystay khasaare aan ilaa hadda la shaacin oo soo gaaray askartii saarneyd gaari dul bannaan ah oo ay askari la socdeen.
