Munaasabadan oo abaal marino iyo shahaadooyin lagu gudoonsiinayay laguna soo gaba gabeynayay tartanka Quraan Akhris ah oo socday bisha barakeysan ee ramadaan kaasi oo ay ka qeyb qaadanayeen ardayda wax ka barata Dugsiyada Quraanka kariimka ee ku yaala Degmada C/casiis oo uu soo qaban qaabiyay maamulka Masjidka Al-nuur ee ku yaala Degmada C/casiis ee Gobolka Banaadir ayaa lagu qabtay Magaalada Muqdisho.
Munaasabadda ayaa waxaa ka soo qeyb galay culimaa,udiin ardayda wax ka barata dugsiyada quraanka ee ku yaala degmada c/casiis Waalidiin, aqoonyahano, macalimiin, iyo dadweyne kale aad u fara badan.
Sheikh Liibaan Naasir Maxamed oo ka mid ah culimaa,udiinkii ka soo qeyb galay ayaa Sheegay in Bulshada Soomaaliyeed ay si wanaagsan u qiimeeyaan ahmiyada iyo fadliga quraanka kariinka.
Sidoo kale Sheikh C/qaadir Xaaji Dayib oo ka mid ahaa gudiga tartanka quraan akhriska ayaa ka warbixiyay qaabka tartanka uu ku soo gabagaboobay iyo waxyaabaha ay ku tartamayeen ardayda.
Marka la gaaro sanad walbo Bisha barakeysan ee ramadaan ayaa waxaa bilowda tarmo quraan akhris ah oo lagu wyneynaya bisha barakeysan ee ramadaan.
