Yoonis Aadan Cali ku simaha Guddoomiyaha Gobolka Baay ayaa sheegay in ciidamada ammaanka Koonfur Galbeed looga baahan yahay in ay sugaan ammaanka guud ee gobolka Baay inta lagu guda jiro maalmaha Ciida.
Waxa uu ugu baaqay Ciidamada in ay gutaan waajibaadkooda ah sugida amniga shacabka degaanada Maamulka Koonfur galbeed Soomaaliya.
Sidoo kale waxa uu tilmaamay in lagama maarmaan ay tahay xaqiijinta ammaanka iyo wada shaqeynta Shacabka Maamulka Koonfur Galbeed iyo Ciidamada.
Yoonis Aadan Cali ayaa shacabka ugu baaqay in ay ka shaqeeyaan Nadaafada iyo bilicda Gobolka Baay gaar ahaan Magaalada Baydhabo maadaama maalinta Ciidul Fidriga ay soo dhaw dahay.
Waxa uu ugu baaqay Shacabka in ay caawiyaan dadka dhibaateysan ee aan awoodin in ay ka qeyb qaataan Farxada maalmaha Ciida islamarkaana shacabka looga baahan yahay in ay dadkaasi taageeraan oo ay caawiyaan.
