Ciidamada Xoogga Dalka Soomaaliyeed ayaa deegaano ka tirsan Gobalka Hiiraan ee bartamaha Dalka kana mid ah deegaanada hoos yimaada Maamulka Soomaaliyeed ee Hir-shabeele waxay ka wadaan dhaqdhaqaayo Xoogga kuna sabsan sidii maleeshiyaadka nabad iyo nolal diidka ah ee Al-shabaab looga saari lahaa Dalka.
Howlagalkaan Ciidamada Xoogga Dalka Soomaaliyeed ay ka wadaan deegaanada ka tirsan Gobalka Hiiraan ayaa qeyb ka ah Howlgalo maalmihii dambe Ciidamada Xooggu ka wadeen deegaano dhaca koonfurta iyo bartamaha Dalka ayna kula wareegeen Ciidamada tuulooyin ay Maamuli jireen maleeshiyaadka Al-shabaab.
Wariyaha Warbaahinta Qaranka Soomaaliya Ibraahim Maxamed Geedi ayaa sheegay in Saraakiisha Ciidamada Xoogga Dalka Soomaaliyeed ee ku sugan Gobalka Hiiraan ay sheegeen in Howlgaladii socda Maamihii lasoo dhaafay ay kula wareegeen Deegaano Hiiraan ka tirsan oo maleeshiyadu ku dhibaatayn jireen muwaadiniinta Soomaaliyeed.
Madaxda Qaranka iyo kuwa Maamul goboleedyada qeybta ka ah Dowladda dhexe ayaa ku heshiiyay in Dalka laga bilaabo qorshayaal maleeshiyaadka looga saarayo Dalka.
Halkaan hoose ka dhageyso Codka Wariye Geedi:
