Magaalada Baydhabo ee Xaruunta Gobolka Baay ayaa saacadaha dhaw waxaa ka furmaya Shirka Guddoomiyaasha Golaha Shacabka Federaalka Soomaaliya iyo kuwa Maamulada qeybta ka ah Dowladda dhexe.
Magaalada Baydhabo ee Gobolkay Baay ayaa xalay waxaa ku hoyday Gudoomiyaha Golaha shacabka Federaalka Soomaaliya Mudane Maxamed Shiikh Cismaan Jawaari oo uu wehlinayo Gudoomiye ku xigeenka labaad ee Golaha shacabka Mahad Cabdalla Cawad iyo qaar ka mid ah Guddoomiyaasha Maamul Gobleedyada.
Maanta ayaa la filayaa inuu shir si rasmi ah oga furmo Magaalada Baydhabo ee Caasimadda KMG ah ee Maamulka Koonfur galbeed Soomaaliya shirka ayaa Socon doona mudo Sadex maalin ah lagana soo saaro War-murtiyeed ku saabsan xoojinta iyo wad shaqeynta Golaha shacabka iyo Baarlamaanada Maamul oboleedyada qeybta ka ah Dowlaada Dhexe.
Wariye Ibraahim Guudle Isaaq la socda wafdi uu hugaaminaayo Guddoomiyaha Golaha shacabka Federaalka Soomaaliya Mudane Maxamed Shiikh Cismaan Jawaari ayaa Saaka Soo sheegaya in Magaalada Baydhabo ee Xaruunta Gobolka Baay si wayn loo adkeeyay Amaankooda maadaama Magaalada uu ka furmayo shirka Guddoomiayaasha Golaha shacabka Federaalka iyo kuwa Maamulada Dalka.
Halkaan hoose ka dhageyo Codka Wariye Ibraahim Guudle:
