Midowga Dhallinyarada Mutadawaciinta Horuumarinta Soomaaliyeed (Somali Youth Volunteers for Development Association) ayaa billaabay barnaamij caafimaad oo loogu magac daray Baxnaani. Barnaamijkaan ayaa si rasmi ah uga hirgalay deegaannada barakacayaasha ee ku yaalla daafaha magaalada Muqdisho. Baxnaani wuxuu ka kooban yahay qeybo kala duwan sida wacyi galin caafimaad iyo daaweynta bukaannada qaba xanuunnada fudud.
โUjeedda guud ee barnaamijka Baxnaani waa in aan yareynaa khatarta caafimaad ee soo foodsaari karto barakacayaasha kuwaasoo u badan hooyooyin iyo carruur. Wacyi galin caafimaad oo loo sameeyo hooyada waxey hoos u dhigi kartaa khatarta caafimaad ee ku imaan karta hooyada iyo dhallaankaโ sidaana waxaa yiri Cabbaas Ciise Faracadde oo ah guddoomiye ku xigeenka midowga SOYVDA.
Related posts
Deegaanada ku xeeran magaaladasha Muqdisho waxaa ku nool tirada ugu badan ee barakacayaasha gudaha dalka iyadoo deegannadaas aysan ka jirin daryeel caafimaad oo ku filan tirada barakacayaasha ku soo barakacay Muqdisho.
Cabbaas ayaa hadalkiisa sii raaciyey โMarkaan aragnay baahida caafimaad oo ay qabaan barakacayaasha, waxaan garwaaqsannay in ay lagama maarmaan tahay in aan billowno branmaaij caafimaad kaasoo ay maalin kasta kaa faaโiideysan karaan 100 ruux oo isugu jira qeybaha kala duwan ee barakacayaashaโ.
Dhallinyarada midowga SOYVDA ayaa sannadihii ugu dambeeyey waxay ka shaqeynayeen horumarinta iyo gargaarka dadka barakacayaasha ah ee ku dandarreysan gobollada dalka iyo magaalada Muqdisho; ayagoo fuliyey mashaariic dhowr ah oo ay ka mid yihiin Afuri, Ciidsii, Bar iyo Baxnaani; mashaariicdaas oo ay ka faaโiideysteen danyar fara badan oo u badan carruur, haween iyo waayeel.
