Waxaa jira dadaalo lagu baadi goobaayo dadka dhismayaaya ku hoos jira Maydadkooda ee dalka Indonisia looga dad-gureynaayo inka badan kun dalxiisayaal ajanabi ah, maalin uun kadib markii uu dhul gariir xoog leh ka dhacay waqooyiga dalkaasi.
Dhul-gariiskaasi o ka dhacay waqooyiga Lombok, ayaa wuxuu ku dhintay dad ka badan 91, in ka badan 200 oo kalena si xun u dhaawacay.
Dhul gariiskaasi oo xoog badnaa ayaa waxaa laga dareemay oo kale Jasiiradaha Gili, Bali, Sumbawa iyo qaybo ka tirsan bariga Java.
Baaxada dhul gariirkan ku dhuftay jaziirada Lombok aya lagu sheegay qiyaastii in uu gaarey 6.9 sida ay sheegeen cilmi baarayaal u dhashay Mareykanku taasoo laga garan karo saameyntiisa uu dhulgariirka ku reebay bulshada ku noolaa Jaziirada caanka ah ee Lombok.
Hay’adda Masiibooyinka e dowlada Indonesia War ka baxay aayaa lagu sheegay in dad gaaraya 92-ruux ay ku dhinteen dhul-gariirkan tiro intaasi ka badanna weli la la’yahay halka dhismayaal iyo Guryo waaweyn kumanaan guryo ahna ay ku burbureen dhul gariirka ku dhuftay jasiirada dalxiiseedka Lombok.
Madaxa Hay’adda Masiibooyinka Muhammad Rum Burburka guryaha iyo dilaaca dhulka ayaa sababay geerida tirada badan ee dadkan .
