Guddoomiyaha Maxkamada sare Dalka iyo Wasiirka Cadaaladda oo ay wahliyaan wasiiro ka tirsan xuukumada Soomaaliya ayaa maanta xariga ka jaray qeybo ka mid ah Xarunta Maxkamada gabolka Banaadir oo dib u dayactir lagu sameeyay.
Dib u dayactirkani lagu sameeyay Xarunta Maxkamada ayaa waxaa si wada jir ah u fuliyay Hey,adda Q.M u Qaalbisan horumarinta Mashaariicda UNDP,iyo Uk IAD,iyadoo madasha ay goob joog ka ahaayeen Guddoomiyaha Maxkamada sare Dalka xubna Tirsan Golaha wasiirada, Safiirka Midowga Yurub U fadhiya Dalkeena, Xeer ilaaliyaha Guud ee Qaranka Taliyaha Ciidanka Asluubta, Guddoomiyaha Ururka Haweenka Qaranka Guddoomiyaha ururka Dhalinyarada iyo marti sharaf kale .
Guddoomiyaha Maxakamada Gobolka Banaadir Xaashi Cilmi Nuur iyo Xeer Ilaaliyaha Guud Ee Qaranka Dr Axmed Cali Daahir Ayaa Ugu horeyn faahaahin ka bixiyay qeybaha Dayactirka lagu sameeyay iyagoo ugu mahadceliyay hey’adaha gacanta ka siisayay dib u dayactirka lagu Sameeyay.
Mr Defid oo ah Mas’uu’lka Fuliyay Mashruucani dib u Dayactirka loogu sameyay Qeybo ka mid ah Maxkamada Gobolka Banaadir Ayaa sheegay in waqti ay galiyaan in dhismahani ay dib u dayactiraan oo muhiimad gaar ah u leh dadka iyo Dalka Soomaaliyeed.
Wasiirka Amniga Gudaha Cabdirisaaq Cumar Maxamed iyo Wasiirka Cadaaladda Cabdulaahi Axmed jaamac Ilka Jiir ayaa Bogaadiyay dib u dayactirkani lagu sameeyay xarunta Maxmkamada Gobolka.
Guddoomiyaha Maxkamada Sare Dalka Caydiid Cabdulaahi Ilka Xanaf ayaa beesha caalamka ugu baaqay in Lacagaha Soomaaliya ay ugu talogaleen in howla muhiim ugu qabtaan sida dhismaha xarumaha dowladda oo ah kuwa iminka bur bur ka muuqada.
Dowladda Federaalka Somaaliya iyo Hey’adaha Hoos taga beesha caalamka ayaa Mudooyinkii Dabe Waday Dadaalo dib u dayactir loogu sameynayo xaruumaha dowliga ah iydoo tani qeyb ka tahay dib u dayactirkeeda.
