Munaasabadan oo ahayd mid xariga looga jarayey dhismaha cusub ee deegaanka u noqoneyso Danjiraha JFS ee dalka Kenya ayaa laga hirgeliyay xarunta Safaaradda Soomaaliya ee Kenya.
Xafladda oo ay ka soo qeyb galeen Mas’uuliyiin ka tirsan dowladda oo uu ka mid yahay Wasiir ku-xigeenka Wasaaradda Arrimaha dibadda ee Xukuumadda Federaalka Soomaaliya Mudane Isaaq Maxamuud Mursal, Raโiisul Wasaarihii hore ee dalka mudane Cabdi Faarax Shirdoon, (Saacid), diblomaasiyiin iyo marti sharaf kale ayaa lagu qabtay xarunta Safaaradda Soomaaliya ee dalka Kenya.
Safiirka Soomaaliya ee Kenya Danjire Maxamuud Axmed Nuur (Tarsan) oo madasha ka hadlay ayaa xusay in dhismahan uu qeyb ka yahay xarunta Safaaradda, isla markaana uu deegaan u noqonayo Safiirkasta oo halkan soo mara.
Wasiir ku-xigeenka Wasaaradda Arrimaha dibadda ee Xukuumadda Federaalka Soomaaliya Mudane Isaaq Maxamuud Mursal ayaa ku amaanay mas’uuliyiinta Safaaradda Soomaaliya ee Kenya dadaalka ay ku bixiyeen dhismaha deegaanka danjiraha.
Dhismaha gurigan cusub ayaa ka kooban deegaan iyo Masjid loogu talagalay shacabka loogu adeegayo xarunta Safaaradda.
