Diyaarad Ruush laga leeyahay oo ay la socdeen 29 qof ayaa lagu waayay Jasiiradda Kamchatka ee bariga fog ee Ruushka, sida ay ku warantay wakaaladda wararka ee TASS oo soo xiganeysa maamulka Jasiiradda Kamchatka.
Wakaaladda TASS oo soo xiganaysa ilo wareedyo ayaa sheegtay in diyaaradda ay lumisay xiriirkii ay la laheed Xarunta hagidda hawada taas oo keentay in gabi ahaanba la waayo Diyaaradda.
Waxaa heegan la galiyay Kooxda samata bixinta ee hoos taga Hey’adda Xaaladaha Deg-dega ah ee Ruushka, sidoo kale dhakhaatiirta caafimaadka ayaa isku diyaarinaya gurmad loo sameeyo dadkan Rakaabka ah ee la’yahay.
Wali faafaahin lagama bixin halka ay Diyaaradda ka soo duushay, goobta ay ku wajahneed iyo waxa ay ka yihiin dadka saran Diyaaradda, balse waxaa la ogaaday in la waayay xilli ay dul mareysay Jasiiradda Kamchatka ee bariga Ruushka.
