Diyaarad nooca airbus-ka ah, oo ay saaran yihiin boqol iyo afartan iyo sideed qof (248) ayaa ku burburtay buuraha Alps ee dalka Faransiiska.
Diyaaradda ayaa waxaa adeegsanayay shirkadda Jarmalka ah ee Germanwings, oo ka hoos shaqaysa shirkadda diyaaradaha Lufthansa.
Waxay ka soo duushay magaalada Barcelona ee dalka Spain oo ay ku sii jeeday Duesseldorf oo ku taalla Koonfurta dalka Faransiiska, waxaa la sheegay in ay dirtay diyaaradda qaylo dhaan ka hor intii aysan dhicin.
Madaxwaynaha Faransiiska Francois Hollande, ayaa sheegay in ay yar tahay rajada lagu heli karo dad badbaaday, arrintaas ayaana walaac ku abuurtay dadka saarnaa ehelladooda, laakin weli waxaa socda baaritaanno lagu baadigoobayo meydadka iyo guud ahaan khasaaraha shilkaasi ka dhashay.
