Diyaaradii u horeysay ee Gargaar Raashin iyo Dawo u sida Soomaaliya ayaa Maantaย Kuwait ka soo dhooftay.
Danjiraha Soomaaliya ee Dalka Kuwait oo saxaafadda kula hadlay Garoonka saakay inta aanay diyaaraddu hawada gelin, waxa uu mahad ballaaran u jeediyay Amiirka, Xukuumadda iyo Shacbiga aan walaalaha nahay ee Dalka Kuwait sida ay uga jawaabem baaqii Safaaradda Jamhuuriyadda Soomaaliya ee Kuwait oo horey u gaarsiisay Madaxda Kuwait in malaayiin Soomaali ah ay qarka u saaran yihiin macluul, sidaa darteedna loo baahan yahay in lala gaaro gargaar deg deg ah..
Related posts
Dadaal dheer oo uu sameeyay Danjiraha Soomaaliya ee Dalka Kuwait Mudane Cabdulqaadir Amiin Sheikh waxa uu ku guuleystay in maanta Dalka Kuwait ay diyaaraddii ugu horeysay ee sidda shixnad gar gaar u soo dirto Soomaaliya, iyada oo Dayuuradda koowaad ay ku wajahan tahay Gobolada Waqooyi ee dalkeena ee ay baaxadda Abaartu ku habsatay.
Sidoo kale waxaa la filayaa in maalmaha soo socdaana ay jiri doonaan diyaarado kale oo ku wajahan Gobolada Koofureed ee Dalka.
