Donald J. Trump Madaxweynaha wadanka Maraykanka oo jeediyay khudbad dheer ayaa sheegay in degdeg ku saaridda ciidanka dalkiisa ee ku sugan Afghanistan ay fursad siineyso ururada argagixisada ah ee jooga wadankankaasi Afgansitaan.
Madaxweyne Trump ayaa hadalkiisa sii raaciyay in markii hore uu ka fekerayay in ciidamada Maraykanka uu gebi ahaanba ka saaro Afghanistan, balse aanu hadda rabin inuu sameeyo khalad la mid ah kii Ciraaq ka dhacay, wuxuuna sidoo kale xusay in Mareykanka uu la shaqeyndoono Afganistaan ilaa dalkaasi uu horumar gaaro.
Mr Trump ayaa sidoo kale Pakistan u digay, asagoo sheegay in Maraykanka aanu u dulqaadan doonin in dalkaasi uu “hoy u noqdo” ururada xagjirk ah.
Madaxweyne Trump oo laga filayay inuu ku dhawaaqo kordhinta tirada ciidanka ka jooga Afghanistan, ayaa arintaa ku gaabsaday, waxaana uu sheegay in aanu ka hadli doonin tirada askarta iyo qorshahooda.
Janaraalka haysta ciidamada Maraykanka ee Afghanistan ku sugan, John Nicholson, ayaa codsaday 4,000 oo askari oo dheeraad ah in dalkasi la geeyo.
Tirada ciidamada Maraykanka ah ee Afghanistan ku sugan ayaa gaaraysa 8,400 oo askari, kuwaasi oo dagaal kula jira kooxaha argagixisada ee kusugan wadankaasi,iyagoo caawinaya ciidamada dalkaasi.
