Maanta oo Axad ah ayay doorashadu ka bilaabanaysaa ilaa 350-deegaan oo gobolada dalkaas oo dhan ah, waxaana shacabku ay codkooda ka dhiibanaayaan doorashadan oo dawladdu ku xoojinayso nidaamka dawladaha hoose si loo daadajiyo waxqabadka dawladda.
Waa doorashadii ugu horaysay oo golaayasha deegaanku galaan, tan iyo markii meesha laga saaray xukunkii kaligi taliga ahaa ee Zaynal Caabidiin bin Cali, waxaana kuraasta golayaasha deegaanka ku tartamaya ilaa 45-kun oo musharax.
Gudiga doorashooyinka Tunisia ayaa muddo soo waday olole balaaran oo dadwaynaha looga dhaadhicnayo ahmiyadda doorashada, waxaana ay sameeyeen halkudhagyo ay ka mid yihiin u orod doorashada ( Run to Vote), taas oo loo arko in codka bulshada wax lagu badali karo.
