wasaarada arimaha gudaha iyo Dowladaha hoose ee Galmudug iyo gudigii loo xilsaray qorshaha doorashooyinka xubnaha golaha deegaanka in ay lasoo gaba gabeeyay doorashadaasi oo Socotay Maalimihii La Soo Dhaafay.
Gudoomiyaha gudiga loo xilsaaray doorashada xubnaha golaha deegaanka dagmada Galkacyo C/casiis Axmed Bulxan ayaa sheegay in doorashada xubnahaani ay aheeyd mid ay soo dooranayeen xubnaha ka mid noqanaya bulshada dagan afarta xaafadood ee magaalada galkacyo.
Mudane C.casiis ayaa intaa ku daray in doorashadaasi si nabad galyo ah ay kusoo gabagaboowday bulshadanu ay codkooda ku soo doorteen 24 xubnood oo qeyb ka ah 27kii xubnood ee loogu tala galay in ay noqdaan xubnaha golaha deegaanka dagmada Galkacyo ee dowlad Gobaleedka Galmudug.
Wasiiru dowlaha wasaarada arimaha gudaha iyo dowladaha hoose ee dowlad gobaleedka Galmudug Cumar Maxamed Diiriye ayaa sheegay in tani ay talahay tallaabo horay loo qaabay, ayna jireen Caqabo arintan la xiriirta oo kala kulmeen bulshada maadaama horay dadku ay qabiil wax ku saleenjireen maantana Cod iyo doorasho lagu kala baxay.
Dhawaan ayaa la filayaa in la qabto doorashadii gudoomiyaha iyo gudoomiye ku xigeenadii maamulka Dagmada Galkacyo ee xarunta Gobalka Mudug, waxaana Biloowda, Olole loogu jiro Tartanka hogaanka maamulka Dagmada Galkacyo.
W/Q= Wariye C/risaaq Maxamed Axmed Galkacyo.
