Wasiiru-dawlaha Xafiiska Ra’iisal Wasaaraha DFS Mudane Caadil Sheegaw Sagaar ayaa maanta ka qayb-galay Munaasibad lagu sagootinayay Xildhibaan Cabdicasiis Cabdulaahi Yuusuf (Dhago-qool) oo hore u ahaa Agaasimaha Siyaasadda ee Xafiiska Ra’iisal Wasaaraha.
Xafladaan oo ay soo qaban qaabisay Waaxda Shaqaalaha XRW oo ey ka soo qeyb galeyn Mas’uuliyiin iyo Shaqaalaha Xafiiska Ra’iisal Wasaaraha, ayaa waxa ugu horeyn ka hadlay Agaasimaha shaqada iyo shaqaalaha XRW Mudane Maxamed Jaamac Yuusuf oo ka waramay shirka ujeedkiisa in uu yahay sagoodinta Xildhibaan Cabdicasiis waxa uuna ku sifeeyay in uu ahaa Xildhibaan C/casiis mudadii uu xilka Agaasimaha hayay waxunu si gaar ah ugu tilmaamay in uu ahaa Agaasime naxariis iyo dulqaad badan u lahaa shaqaalihiisa iyo dadka kale oo ey wada shaqeynayeen.
Maxamed Yuusuf Aadam Ku-Xigeenka Xigeenka Xoghayaha Joogtada ah ee dhinaca Maamulka ayaa u hambalyeey Xildhibaan C/casiis C/laahi kulana dardaarmay in xilka cusub ee loo igmaday masuuliyad iska saaro, shaqaalahana wuxuu ku booriyay inay shaqada xafiiska oo ah muraayada dalka masuuliyaad gaara iska saaraan.
Xildhibaan Cabdicasiis C/laahi Yuusuf oo 25-January 2016 loo dhaariyay jagada Xildhibaanimada ayaa uga mahad celiyay xaflada sagootinta ah ee u sameeyeen agaasimayaasha iyo shaqaalaha Xafiiska Ra’iisal Wasaaraha oo uu hore uga tirsanaa.
Gabagabdii kulankan oo ay shaqaale badani u mahadceliyeen agaasimahoodii hore ayaa waxaa soo xiray Wasiiru-Dawlaha Xiriirka Baarlaamaanka ee XRW Mudane Caadil Sheegaw Sagaar oo ka waramay shuruucda shaqaalaha gaarka u ah iyo sida ay mihiimka u yihiin in lagu dabaqo Shaqada iyo masuuliyada ay qaranka u hayaan, waxaanu xildhibaanka ugu duceeyay in ILAAHAY xilka ku asturo.
