Dowladaha Ciraaq iyo Faransiiska ayaa gaarey heshiis ku aadan in aduun lacageed oo dhan 513 Million oo dollarka Mareykanka la deymiyo Ciraaq oo gulf colaadeed kula jirta maleeshiytaadka Daacish oo waqtigoodi uu sii dhamaanayo.
Dowladda Faransiiska ayaa sheegtay in ujeedad arintani ay tahay in lagu xoojiyo howlgalada militari ee ka dhanka ah Daacish, maadamaa Dowladda intabadan dhaqaaleheedi uu ku baxay dagaalkaasi.
Wakaaladda Wararka Faransiiska AFP oo soo xiganaysa Wasaaradda Arrimaha dibadda ee Faransiiska ayaa sheegaysa in lacag dhan 430 Euro, oo u dhiganta 513 Million oo Dollarka Mareykanka loo siin doono deyn ahaan Dowladda Ciraaq, si ay ugu adeegsato kordhinta miisaaniyadda dhinaca Gaashaandhigga.
Ra’iisul Wasaaraha Ciraaq Xeydar Al-Cabaadi iyo Wasiirka Arrimaha dibadda ee Faransiiska Jiin-Fees Ladikhyaan oo ku kulmay magaalada Baqdaad ee Caasimadda Dalka Ciraaq,ayaa ka wada hadlay sidii Faransiisku uu uga qeyb qaadan lahaa dagaalka ka dhanka ah Daacish.
Lacagtaasi deynta ah ayaa lafilayaa in Dowladda Faransiisku ay bixiso, dabayaaqada sanadkan.
Militari Ciraaq ayaa ku guuleystay in Daacish ay ka saaraan magaalooyinka Ciraaq, Tal-Cafar oo ahayd meeshii ugu dambeysay ayaa ka soconaya howlgaladii ugu dambeeyey waxaana ciidamadu ay qabsadeen inta badan magaaladaasi.
