Dowladda Masar ayaa waxaa ay go’aansatay in uu sii furnaado labo maalin marinka Rafax oo ku yaala xadda dalka Masar iyo dhulka reer Falastiin gaar ahaan magaalada Gaza.
Madaxweynaha dalka Masar mudane C/fataax Alsiisi ayaa amar ku bixiyay in la furo marinkaas si Xujeyda Falastiiniyiinta ah loogu ogolaado in ay ka soo gudbaan, iyadoo hadda sababta waqtiga ay furaaneyso loo kor dhiyayna ay tahay in dadka ku nool magaalada Gaza galaangal u yeeshaan marinkaas inta lagu guda jiro maalmaha ciidul Adhxa, sida ay soo warisay wakaalada MENA.
Marinka Rafax oo ah goob u dhaxeysay magaalada Gaza iyo jaziiradda Siinaa ee dalka Masar, iyadoo magaalada Gaza ee dhulka reer Falastiin ay ku nool yihiin 1.8 milyan oo ruux kuwaas oo ku hoos nool go’doominta ay ku sameeyeen maamulka Israel tan iyo sanadkii 2006.
Dowladda Masar ayaa marinkaas xirtay bishii October ee sanadkii 2014, kol kaas oo maleeshiyaad hubeysan oo ku sugan jaziiradda Siinaa ee woqooyiga dalkaas ay weeraro ciidamo badan lagu diley.
Wixii maalmaha ciida ka dambeeya waxaa uu marinka ahaan doonaa mid mar mar furan.
