Dowladda Shiinaha ayaa Hey’adda Maareynta Musiiboyinka Qaranka ku wareejisay 1,069 ton oo Gargaar Raashin ah, taas oo ay ugu talo galeen iney ku caawiyaan qoysaska Soomaaliyeed ee coladaha iyo abaaraha haysta.
Chen Wendi Qunsulka Shiinaha ee Soomaaliya waxa uu deeqdaan gargaraka ah ku wareejiyey guddoomiayaha Hey’adda maareynta Masiiboyinka Qaranka Soomaaliyed Mudane maxamuud macalim Abdulle ka dib munaabad maanta lagu qabtay Baqaarka keydka rashinka ee Hey’adda Maareynta masiibooyinka.
Qunsulka Safaaradda Shiinaha ee Soomaaliya ayaa sheegay in ay ka go,antahay cawintada meel walba oo ay jogaan shacabka soomaliyed ee iminka la daalaa dhacaya abaaraha iyo colaadaha.
Shixnadaan gargaar ee maanta Dowladda Shiinaha ku wareejisey Hey’adda Maareynta Musiibooyinka ayaa ahaa raashinka nuucyadiisa kala duwan, waxaana deeqdaan guddoomay Gudoomiyaha Hey’adda Maareynta Musiibooyinka mudane Maxamuud Macalin Cabdulle, isagoo ka mahadceliyay sida Shiinaha u garab taaganyihiin shacabka Soomaaliyeed.
