Warsaxaafadeed ka Soo baxay Xafiiska Wasiirka Warfaafinta,Dhaqanka Iyo Dalxiiska Xukuumadda Soomaaliya Mudane Maxamed Cabdi Xayir Maareye ayaa lagu sheegay in dowaladda Soomaaliya ay la wadaageyso Xanuunka dowladda Iyo Shacabka Dalka Kenya.
Falkaasi Argagixiso ayaa lagu waxyeeleeyay Arday iyo Dad misaakiin ah oo wax ku baranayay Jaamicadda kuwaas oo isku diyaarinayay Waxbarashadoodii Caadig aheyd.
Wasiirka Waxa uu Sheegay in arintan ay sii xoojin doonto xiriirka iyo wadashaqeynta ka dhexeysa dowladaha Geeska Afrika oo ay ku jiraan Kenya iyo Soomaaliya.
Mudane Maareeye ayaa intaa ku daray in Dowaldda Soomaaliya ay ugu ย tacsiyeeneyso Dowladda Kenaya iyo Qoysaskii dadkooda ku waayay Weerarkaasi Argagixiso, Waxeyna dowladda Soomaaliya ka codsaday Wadamada Geeska afika iyo Caalamkuba in loo midoobo soo afjaridda Falalka Wuxuushnimada ah ee Argagiisada.
Dowladda Soomaaliya waxa ay sheegtay in falalka Argagixisada ee noocaan oo kala ah ay muujinayaan sida indha la’aanta ah ee aaney Argagixisadu u xaq dhowreyn Baniaadanimada uguna xadgudbayaan Shareecada Islaamka,taas oo waajib ka dhigeysa in si aan kala har laheyn loola dagaalamo Ficiladan Bahalnimo.
