Dr.Ibrahim maxamed Mursan oo ah Qofkii ugu horeeyay ee Darajada PHD ka diyariya Saxafada Soomaaliya ayaa Isniintii waxaa uu Muxaadaro ku saabsan Xaaladaha Warbaahinta Soomaaliya waxa uu u jeediyay Saxafiyiin iyo Ardayda Kuliysada Saxaafada iyo Siyaasada ee Jaamacada Muqdisho, oo uu ka yahay Gudoomiye ku xigeenka dhanka maamulka, iyo barre ka mida Kuliyda Saxaafada iyo Siyaasada.
Munaasabada oo ay soo Qabanqaabisay Kuliyada Culuumta Siyaasada iyo Saxaafada Jaamacada Muqdisho, ayaa waxaa ka qeyb galay Macalimiinta Kuliyadda, Hormuudka Kuliyada, Ardayda Ku taqasusaysa Saxaafada iyo Siyaasada, iyo kuwa Horay uga Qalin jabiyay Kuliyada qaarkood ayaa, waxaa ay ku saabsanayd Xaalada Saxaafada Soomaaliya iyada oo Dr. Ibrahim maxamed Mursal “Ibraahim Dheere”, uu si fiican u sharaxay heerarka kala duwan o ay soo martay Saxaafada Soomaaliya, oo kala ahaa ilaa Afar Marxaladood oo mid kastaahiba si xaalad gaar ah ku sugnayd.
“Afarta Xili ay soo kala martay saxaafada Soomaaliya ayaa kala ah, Xiligii Gumaystaha oo Saxaafda wagaa jirtay ahayd mi laba nuuc ah, mid uu Gyumaystahu leeyahy, iyo mid Xurnimo doon ah taas oo cadaadisyo kala duwan la kulmaysay. Xiliga Labaad xiligii Xukumada Madaniga, oo ay soo baxeen Waraysyo kala duwan oo ku qornaa Afafka Talyaaniga Carabiga iyo Ingiriiska, Marxalada Sadexaad Xiligii xukunka Milataria, kaas oo inta badan Siyaasad ahan Saxaafadu mid nidaamka kali taliska ah sida uu ahaa kala mid ahayd, hase ahaatee Saxafiyiinta iyo Warbixnada waxa ay ahaayeen kuwa kala mida Warbahinta Caalamka dhanka tayada, xataa qalabka la isticmaalayay waxaa u ahaa mid Casrio ah Xiligaa oo dalal badan oo Dunida ah aan kaga Horaynay.
“Marxalada Afaraad Waa Xiligii Burburka, oo ahaa markiiDalku uu noqaday mamul la`aan iyo Fowdo , Xiligaas waxaa soo butacay Wargaysyo Tira badna oo ah kuwaas oo aan sharciyada saxaafda waafaqsanayn u Tabinaya Warbixinada” ayuu yiri Dr Ibraahim Maxamed Mursal”
Dr.ka ayaa sheegay in isaga uu ra`yi ahana qabo in ay shan qeybood tahay heerarka Saxaafadu soo martay oo wixii ka danbeeyay 2006 dalka isbadalo kala duwan ay ka dhaceen, isbadaladaassi oo saameeyay warbaahinta ha ahadaano kuwa Siyaasadeed, dhaqaale milatarai, isbadaladaasi ayaa keenay in ay saxaafadu badalanto dhaqan iyo fikirkii ahaanba.
Dhanka kale Hormuudka Kuliyada Culuumta Siyaasada iyo Saxaafada ee Jaamacada Muqdisho Dr.Xuseen Sheikh Abuubakar oo isna goobta ka jeediyay hadalo kooban ayaa ka hadaly muhiimada warbaahinta wuxuuna sheegay in Saxafigu yahay daaci macalin hogaamiye loogana baahan yahay Tusaalayn Wanaasan, warbaahintuna Bulshada u tahay Miyaaradii Xaqiiqada, umad kastaahina sida ay warbaahinteedu tahay ayeey taarikhdeeda kaydsamaysa noqonaysaaa.
Dr. Xuseen waxuu sheegay in Jaamacadda ka sokoow ardadya ay waxbaraan in Bulshada ka saran tahay masuuliyad ayna u gudbinayaan Macluumaad, iyaga oo warbaahinta iyo Saxafiyiinta ka caawin doonaan dhanka Aoonta Culumta Saxaafada iyo tababarada.
Uu danbayntii Dr.ka soo diyaariyay Muxaadaradaan oo ah Ibraahim Maxamed Mursal ayaa Saxafiyiinta iyo warbaahinta kula dardaarmay in ay bulshada u noqdaan Tusaale wanaagsan, ayna ogsoonaadaan in Dalka uu ka saran yahay waajib, una adeegsadaan Qalinkooda dhanka wax dhisisa iyo Horumarka.
