Maanta oo kale waxaa Caalamka laga xusaa maalinta Afka hooyo, waxaana bishii Nofeembar sanadkii 1999-kii shir ay qabatay heyโadda waxbarashada u qaabilsan qaramada midoobay ee UNESCO la isku raacay in wixii ka dambeeyay 2000 sanad kasta la qabto xuska maalinta Afka Hooyo.
Afka Soomaaligu waxa uu ka mid yahay luuqadaha looga hadlo qaaradda Afrika, inkastoo Farta Soomaaliga la qoray sanadkii 1972-dii, haddana waxaa jiray xoriyadda ka hor dad badan oo aqoon u lahaa luuqadaha Faransiiska,Ingiriiska ,Carabiga iyo Talyaaniga, isla markaana gacan ka geystay soo ifbixii iyo hindisihi lagu qoray Afka Hooyo.
Related posts
1-di July sanadkii 1961-dii, Dowladdii Rayidka ee uu hoggaaminaayey alaha u naxariistee Madaxweyne Aadan C/lle Cismaan waxaa la sameeyay mac-had iyo qorayaal Soomaliyeed oo ka baaraan dega habka loo heli karo qoraalka Far Somaaliyeed oo qoran, hasa yeeshee, isku daygaasi waxa uu noqday mid la isku fahmi waayay ka dib markii la isku qabtay nidaamka xuruufta ee farta Laatiinka iyo Carabiga.
Sanadkii 1971 waxaa Dowladdii Kacaanka ee talada dalka Soomaaliya la wareegtay 1969-kii ay ku guuleystay magacaabidda Guddi ka soo tala bixiya habka loo qorayo Afka hooyo.
Sannadkii xigay 1972-dii Dowladdii Kacaanka waxa ay ku dhawaaqday goโaan ah in farta Laatiinka loo isticmaalo qoraalka farta Soomaaliga, iyadoo ย isbeddel yar lagu sameeynaayo nidaamka erayada,gaar ahaan xarfaha shaqalada iyo shibanayaasha.
Bishii Jannaayo 21-keedii 1973dii,waa markii ugu horreysay ee uu dalka Soomaalia ka soo baxo wargeys ku qoran Afka Soomaaliga, isla markaana Manhajka waxbarasho oo ku qoran af Soomaali laga hirgaliyay Dugsiyada Dalka, kolkii Guddi Aqoonyahanno ah oo ka socda Wasaaradda Waxbarashada iyo Gudigii qorista Afka Soomaaliga ay diyaariyeen nidaamka naxwaha Afka Hooyo.
Iminka Soomaaliya oo ku jirta marxalad soo kabasha ahย xuska sanadkaan waxaa uu ku soo aaday iyada oo wasaaradda waxbarashada Soomaaliya ku guuleystay qeybinta manhajka waxbarashada dugsiga hoose iyo dhexe oo si isku mid looga dhigi doono iskuulada dalka oo markii hore manaahij kala duwan wax ku barayay ardayda
Waxaa qoray C/qaadir Fantastik
