Duqa magaalada Gaalkacyo ee Xaruunta Gobolka Mudug Xirsi Yuusuf Barre ayaa ka dayriyay Xaalada nolaleed Dadka ay abaaruhu saameeyeen kuwaa soo gaaray magaalada Gaalkacyo iyo duleedka Maaaalada .
Xirsi Yuusuf Barre duqa Gaalkacyo oo la hadlay Radio Muqdisho Codka Jahmuuriyada Soomaaliya waxuu sheegay inay maalmihii dambe Magaalada soo gaareen ilaa 700 (Todobo boqol) oo qoys kuwaa oo ka imaaday deegaanada fog fog ee Gobolka mudug gaarahaan deegaanada xiga Maamulka Galmudug.
Duqa Gaalkacyo ayaa tilmaamay inay jiraan Cudurro kala duwan oo hada haysta Dadka soo barakacay ee gaaray Gaalkacyo isagoo sheegay in Cudurrada ay sababeen xaalad nafaqo daro oo ay wajahayaan qoysaskaan ka soo barakacay deegaanada miyiga ah ee Gobolka Mudug.
Dhanka kale Xirsi Yuusuf Barre ayaa sheegay in loo baahan yahay gar-gaar deg deg ah in lala soo gaaro Dadkaan soo gaaray magaalada Gaalkacyo kuwaa soo ay Xoolihii ku dhaafeen abaarta ka jirta inta badan Dalka waxuuna ka Codsaday hay,adaha Samafalka iyo Bulshada Soomaaliyeed Caawimaad wax looga qabto xaalada abaareed sababtay barakaca.
