Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) oo ay wehliyaan Ku-xigeenada Gobal Banaadir iyo Xoghayaha Guud, ayaa kumanaann shacab ah kala qeyb galay Duco iyo xus loo sameeyay Shuhadadii ku naf-waayay dhacdooyinkii murugada lahaa ee 14-October 2017 Iyo 29-October 2022 ee ka dhacay Isgoyska Zoobe ee Magaalada Muqdisho.
Khawaariijta oo xasuuqen maato aan waxba galabsan oo, isugu jiray Waayee,Carruur, Haween
iyo Dhalinyarro Iyo dad badan oo muhiiim u ahaa dalkaaan.
Isku soo baxa Bulsho ee loogu duceeynayay Shuhadada, ayaa dhiig shubis loogu sameeyay Ciidanka Xoogga dalka iyo kuwa difaaca Shacabka, iyadoona Bulshada Gobolka Banaadir ay cod dheer ku taageereen Dagaalka Sifeynta Khawaarijta ee ka socda guud ahaan dalka. kaasi oo uu hormuud u yahay Madaxweynaha Jamhuuriyadda Federaalka Soomaaliya Mudane Dr. Xasan Sheekh Maxamuud.
Duqa Muqdisho Waxaa hadalkiisa ka mid ahaa: ” Waa inaan is waydiinaa haddii Madaxweynihi dalka dagaalka hormuud u yahay,Xildhibaanaddi ninkii ugu da’a weynaa ee Dhabban Cad ahaa qoriga garabka surtay, haddii 90aad jiradii qoriga qaateen,Haddii haweenki Soomaaliyeed aad arkaysaan ayaga oo qorigi qaatay,Gacanne Caanihi iyo Cuntadi idinkugu sidaan, haddaba maxaa nala gudboon?”. Ayuu yiri Madaaale
” Dagaalku waa seddex: Waa Afka,Waa Adinka, waa Jeebka, Afka ka hadal haddii aad Adinka ( GACAN) ka dagaalami weyso, haddii aad Adinka ka dagaalami waysane Jeebka ka hadal,hadaa Jeebka ka hadli waysane Afkaaga ha gabin”. Ayuu yiri Duqa Muqdisho.
