Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale),ayaa daah furay Shirka Wadatashiga Dib-u-cusbooneysiinta Qorshaha Horumarinta Qaranka 9-aad ee sandka 2024 oo ay fulinteeda iska kaashan doonaan Maamulka Gobolka Banaadir iyo Wasaaradda Qorsheynta Qaranka.
Shirkaan oo ay goob joog ka ahaayeen Agaasimaha Guud ee Wasaaradda Qorsheynta Qaranka Xukuumadda Federaalka Soomaaliya, Agaasimaha Guud ee Waaxda Qorsheynta Dowladda Hoose ee Xamar iyo Mas’uuliyiin kale ayaa diirada lagu saaray soo gudbinta waxyaabihii u qabsoomay Maamulka Gobolka Banaadir, Baahiyaha waaweyn ee hortabinta u leh horumarinta Gobolka si loogu daro qorshaha qaranka 9-aad ee sanadka 2024 iyo in la xoojiyo wada-shaqaynta iyo iskaashiga u dhaxeeya Maamulka Gobolka Banaadir iyo Wasaaradda Qorsheynta Qaranka.
Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale),ayaa bogaadiyay tallaabooyinka socda ee lagu xoojinayo horumarinta Caasimdda iyo in lala jaanqaado Qorshaha Horumarunta Qaranka, iyadoo hortabin la siinaayo Qorshaha u degsan Maamulka Gobolka Banaadir iyo Dowladda Hoose ee Xamar.
