Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) oo uu wehliyo Guddoomiye Kuxigeenka Amniga iyo Siyaasadda Mudane Maxamed Axmed Diiriye (Yabooh) ayaa kormeer shaqo ku tagay qaar ka mid ah Degmooyinka Gobolka Banaadir.
Degmooyinka uu kormeeray Guddoomiyaha Gobolka Banaadir ayaa kala ahaa Boondheere, Howlwadaag iyo Waaberi, Asigoona u kuurgalay xaaladaha Amni, Arrimo Bulsho, Bilic iyo Nadaafad ee Degmooyinkasi maadaama lagu guda jiro xilli roobaad.
Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa kula dar-daarmay Madaxda Degmooyinka in ay dar-dargeliyaan Howlaha Nadaafada, Bilicda iyo Adeegyada kale ee loo haayo Bulshada.
