Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) iyo Danjiraha Dowladda Talyaaniga u fadhiya Soomaaliya Ambassador Alberto Vecchi, oo kulan ku yeeshay Magaalada Muqdisho ayaa ka wada hadlay xoojinta xariirka labada dhinac, fulinta Mashaariicyo Horumarineed, iyo soo nooleynta Mataaneynta Muqdisho iyo Milano.
Kulankaan oo ay goobjoog ka ahaayeen Guddoomiye Ku-xigeenka Amniga iyo Siyaasadda Gobolka Banaadir Mudane Maxamed Axmed Diiriye (Yabooh) iyo Agaasimaha Xariirka Dibadda iyo Heyβadaha Caalamiga Mudane Maxamed Xasan ayaa sidoo kale looga hadlay dar-dargelinta dhismaha xarunta Casa Italia iyo Taageerada Dawladda Talyaaniga ee ku aadan la dagaallanka ka dhanka ah Khawaarijta.
Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Danjiraha Dowladda Talyaaniga kala hadlay sidii ay ugu qeyb qaadan lahaayeen Qorshaha Xasilinta Deegaannada laga xorreeyay Cadowga Khawaarijta Al-Shabaab iyo ka fulinta goobahaasi Mashaaariicyo horumarineed oo ay ugu horeyso Adeegyada Bulshada.
