Guddoomiyaha Gobolka Banaadir ahna Duqa Magaalada Muqdisho Mudane Cumar Maxamud Maxamed (Cumar Filish) ,ayaa maanta ka qeyb galay munaasabad uu Madaxweynaha Jamhuuriyadda Federaalka Soomaaliya Mudane Xasan Sheekh Maxamud, tababar ugu soo xirayay Saraakiil iyo Saraakiil xigeena katirsan Ciidanka Xooga dalka Soomaaliyeed.
Saraakiisha Tababarka loo soo xiray, ayaa xarunta TURKISHSOM kusoo bandhigay gaardis ay ku muujinayeen Awoodooda iyo Xirfadooda ku aadan sida ay uga go’an tahay in ay dhiigooda iyo naftooda u huraan difaaca Qaranka iyo badbaadinta Ummadda Soomaaliyeed.
Duqa Magaalada Muqdisho Mudane Cumar Filish, ayaa qaar kamid Ciidanka tababarka loo soo xiray guddoon siiyay shahaada sharaf ay ku muteesteen kartidooda iyo da’daalkii ay muujiyeen mudadii ay tababarka kujireen.
