Guddoomiyaha Gobolka Banaadir Ahna Duqa Muqdisho Mudane Yuusuf Xuseen Jimcaale (Madaale), ayaa daah furay tababar ku saabsan hababka waxtarka leh ee bixinta adeegyada bulshada iyo maareenta khilaafyada oo loo qabtay maamulada Degmooyinka iyo deegaanada Gobolka Banaadir.
Tababarkan oo socon doono muddo laba cisho ah ayaa furitaankiisa waxaa goob joog ka ahaa Guddoomiye ku-xigeenka Amniga iyo Siyaada maamulka Gobolka Banaadir iyo Xog’hayyaha guud ee maamulka Gobolka Banaadir, iyada inta uu socday laga dooday sida ugu haboon ee loo fulin lahaa adeegyo waxtar leh islamarkaana si hufan loogu qidmeeyo bulshada.
Duqa Muqdisho ayaa kula dardaarmay inay bulshada ay maamulaan guddoomiyaasha dagmooyinka ku tartamaan, adeeg bixinta dagmadii shacabkeeda ka marqaati kacaan ayaa noqon doonta dagmada ugu edeeg bixinta wanaagsan degmooyinka Gobolka Banaadir iyo degaanadeeda.
