Ugu yaraan 62 ruux ayaa dhimatay,lix boqol oo qofna waxaa soo gaaray dhaawacyo,ka dib markii duufaanta tsunami ay ku dhufatay xeebaha dalka Indonesia sida ay xaqiijiyeen saraakiil ka tirsan dalkaasi.
Hey’adda dalkaasi u qaabilsan ka hortagga masiibooyinka ayaa sheegtay in boqolaal dhismo ay soo gaareen burbur ay reebtay duufaantasi.
Waxaa la sheegay in ay suurtogal tahay in duufaanta tsunami ay timid markii dab dhuleed ama Folkaano uu ka dilaacay biyaha badda hoostooda.
Dhimashada ayaa la tilmaamay in ay ka dhaceen Pandeglang, koonfurta Lampung iyo gobolka Serang,waxaana halkaasi ku yiillay hoteello iyo goobaha loo dalxiis tago.
