Shacabka ku nool dalka Gini ayaa isku diyaarinaya dabaaldagyo la xiriira Cudurka Ebola oo ka Dhammaaday dalkaas.
Qeybaha kala duwan ee bulshada Waddanka Gini ayaa Shaaciyay in Arrintaan ay ku soo aadayso dabaaldagga Sannadka Cusub ee 2016’ka
Bulshada dalka Gini ayaa ku adag inay si fudud u illoobaan Saamayntii uu ku reebay Cudurka Ebola
Hay’adda daryeelka Carruurta QM ee UNICEF ayaa sheegtay in Cudurkaan uu agoonteeyay 6220 Carruur ah oo Waalidiintooda waayay, halka inta kale ee ka bad-baadayna ay la noolyihiin Niyad jab.
Dadka Ku nool dalka Gini ayaa si aad ah ula dagaallamay sidii looga hortagi lahaa Cudurkan, balse waxa ay ku tilmameen Arritaan mid Aafo ah.
Dowladda Gini ayaa sheegtay in Cudurka Ebola uu Aafeeyay Qorshayaashii Dowladda ee Xarumaha Caafimaadka.
Dhanka kale Dowladda Gini ayaa sheegtay in intii uu jiray Saamaynta Cudurka Ebola uu dalka soo food saaray Dhaqaale la’aan la soo daristay.
