Ergayga Madaxweynaha ee dhinaca Abaaraha Abdirahman Abdishakur Warsame, oo kulan la qaatay Agaasimyaasha Warbaahinta Qaranka.
Kulanka waxaa diiradda lagu saaray sidii awoodda Warbaahinta Qaranka loogu saari lahaa tabinta iyo soo bandhigida xaaladda adag oo ay sababtay abaarta daran ee ku dhufatay dalka Soomaaliya, iyadoo ay fulinta howshaan iska kaashanayaan Xafiiska Ergayga iyo Warbaahinta Qaraank.
Agaasimaha Wakaaladda wararka Soomaaliyeed Ee SONNA Ismaciil Mukhtar Cumar Oronjo iyo Agaasimaha SNTV Sharma’arke Maxamed Warsame ayaa ballanqaaday in kor loo qaadayo warbixinada iyo barnaamijyada ku saabsan ka hadalka xaaladda Abaaraha iyo sida bulshada uga qeybqaadan karto gurmadka abaarta.
Mudane Cabdiraxmaan Cabdishakuur warsame ayaa ka mahadceliyay sida 24 saac ay warbaahinta qaranka xil isaga saartay kahadlka iyo wacyigalinta bulshada xaaladda Abaarta.
Wuxuu ballanqaaday in ay qaadanayaan kaalintooda ku aadan wadashaqeynta Warbaahinta iyo xiriirka bulshada.
