Ergeyga gaarka ah ee Madaxweynaha JFS u qaabilsan Arrimaha Bani’aadannimada iyo Gurmadka Abaarah Xildhibaan Cabdiraxman Cabdishakur Warsame, ayaa kulan la qaatay Danjiraha Hindiya u fadhiya Soomaaliya Dr Virander Paul.
Ergayga iyo Danjiraha ayaa qaatay wadahadal qoto dheer oo ku aadan xiriirka soo jireenka ah ee dowladaha Soomaaliya iyo Hindiya iyo sidii mar labaad ay xiriir maalgashi ula sameysan lahaydyeen Soomaaliya.
Ergayga oo si gaar ah diiradda u saaraayay arrimaha abaaraha ayaa xusay kaalinta cunna yarida adduunka ka jjirta iyo sicir bararku ku leeyihiin abaaraha, isaga oo arrinkaas ka duulayana waxa uu kala hadley Danjiraha in dowladda Hindiya ku kaalmeyso Soomaaliya dhimista qiimaha raashinka Soomaaliya kasoo dhoofsato Hindiya.
Safiirka ayaa soo dhoweeyay kana balanqaaday Ergayga in Hindiya ay mar walba garab istaagi doonto Soomaaliya ayna ku dedaali doonaan sii xoojinta xiriirki walaaltinimo ee ka dhexeeya labada dal.
