Fanaanadda Khajiido C/llaahi Dalays oo geeriyootay

Rabbi ha  u naxariistee Fanaanadda Soomaaliyeed Khadiijo C/llaahi Daleys oo ka mid aheyd fanaaniinta caanka ah ayaa  ku geriyootay magaalada Toronto ee Caasimadda Wadanka Canada.

Fanaanada Khadiijo C/llaahi Daleys ayaa ka mid aheyd fanaaniinta Hobolada qaranka Waabari, waxaana lagu xusuustaa heeso caan baxay oo ay ku luuqeysay.

Abwaan Xirsi Dhuus oo ah guddoomiye ku xigeenka Golaha Abwaaniinta Soomaaliyeed ayaa Wakaaladda SONNA u xaqiijiyay geerida Fanaanadda,isagoo eebe uga baryay in uu janadii fardowsa uu ka waraabiyo.

Fanaanadan ayaa muddooyinkii u dambeeyay xanuunsaneysay, waxaana la sheegay inay ku geeriyootay isbitaal ku yaalla magaalada Toronto ee caasimadda Dalka Canada.

Waxaa ay kamid ahayd Khadiijo C/llaahi Daleys gabdhihii ugu horeeya ee heesta, waxaana ay ahayd fanaanda magac iyo maamuus ku leh Bulshada Soomaaliyeed.

Waxaa lagu xusuustaa Fanaanadda suugaan badan oo ay kamid tahay,Muruqiina Maalo”iyo kuwo kale oo u badnaa gubaabo bulsho.

Dhanka kale,Wasiirka Warfaafinta Dhaqanka iyo Dalxiiska Mudane C/raxmaan Cumar Cusmaan (Yariisow) Agaasimaha guud ee Wasaaradda,agasimayaasha waaxyaha,iyo dhamaan shaqaalaha Wasaaradda waxay shacabka Soomaaliyeed iyo ehelkeeda u direen tacsi tiiraanyo leh,iyagoo eebe uga baryay in uu janadii Fardowsa uu ka waraabiyo.