Kooxda Fiorentina ayaa garoonkeeda Stadio Artemio Franchi barbardhac 1-1 ah kula gashay kooxda Roma.
Kooxda Fiorentina ayaa goolka la hor martay,waxaana daqiiqadii 19-aad ee ciyaarta goolka u dhaliyay ciyaaryahan Mario Gomez,sidasi ayaana lagu kala nastay qeybtii hore ee ciyaarta.
Ciyaaryahan Adem Ljajic ayaa bilowgii qeybtii labaad ee ciyaarta goolka barbardhaca u dhaliyay kooxda Roma.
Kooxda Juventus oo hogaamineyso horyaalka talyaaniga ayaa todobo dhibcood ka sareeyso kooxda Roma oo kaalinta labaad ku jirto.
Kooxda Roma ayaa kaalinta labaad uga jirto horyaalka talyaaniga,waxana ay leedahay 42-dhibcood,halka kooxda Fiorentina ay horyaalka uga jirto kaalinta lixaad,iyadoo leh 31-dhibcood.
