Xulalka Equatorial Guinea iyo Congo oo u Soo Baxay Wareega Labaad ee Koobka Qaramada Afrika

Dalka Marti galinayo koobka qaramada afrika ee Equatorial Guinea iyo xulka Congo ayaa u soo baxay wareega labaad ee koobka qaramada afrika.

Labadan xul ayaa ka soo baxay Group-ka koowaad ee (A).

Related posts

Garoonka kubadda cagta Dr Ayuub ee Degmada Balcad oo la dhagax dhigay “SAWIRRO”

January 14, 2023

Wasiirka Gaashaandhigga XFS Iyo Taliyaha CXDS Oo Kormeeray Deegaannadii Laga Xoreeyay Argagixisada

September 20, 2022

Xulka Equatorial Guinea oo ah dalka marti galinayo koobka ayaa u soo baxay wareega labaad,ka dib markii uu 2-0 uga badiyay xulka Gabon.

Labada gool ayaa waxaa qeybtii danbe ee ciyaarta u kala dhaliyay xulka Equatorial Guinea ciyaaryahan Javier Balboa oo gool rigoore ahaa u dhaliyay iyo ciyaaryahan Iban Salvador Edu.

Xulka Equatorial Guinea ayaa shan dhibcood ugu soo baxay wareega labaad ee koobka qaramada afrika.

Sidoo kale xulka Congo ayaa ku soo baxay kaalinta koowaad ee Group-ka A,ka dib markii uu 2-1 uga badiyay xulka Burkina Faso.

Xulka Congo ayaa waxaa labada gool u kala dhaliyay ciyaaryahanada kala ah Thievy Bifouma iyo Fabrice N’Guessi Ondama.

Xulka Burkina Faso ayaa waxaa goolka kaliya u dhaliyay ciyaaryahan Aristide Bance.

Xulka Congo ayaa todobo dhibcood ugu soo baxay wareega labaad ee koobka qaramada afrika.

Xulka Congo ayaa markii u horeysay ilaa sanadkii 1992-dii u soo baxay wareega labaad ee koobka qaramada afrika.