Iyadoo maanta ay ku beegan tahay maalintii koowaad ee Ciidul Adhxa ayaa magaalada Gaalkacyo laga dareemayo damaashaadka ciida waxaa boqalaal dad ah oo isugu jiray Agoon iyo dad danyar ah ay ka faaβideysteen deeq isugu jirta hilib iyo lacag ay soo dhiibeen muslimiin Soomaaliyeed oo ku nool dalalka Denmark iyo Norway.
Xabiibo Maxamuud Cabdi (Xabiibo Koofuroow) oo iyadu wakiil uga aheyd dadka deeqdaani soo dhiibaya ayaa warbaahinta uga warbixisay deeqdaan iyo cida soo dhiibtay iyo waxa loogu talagalay waxaana ay sheegtay in ay tahay deeqdaani hilib loogu talagalay udhxiyada islamarkaana ay soo dhiibeen muxsiniin Soomaaliyeed oo u Soo marsiiyay sida ay sheegtay ururada OFRASOM,SORADO Iyo Xanaano.
Hooyo Maryan Naaleeye oo iyana ka hadashay madasha ayaa ka warbixisay cidda soo dhiibtay deeqda lacageed ay gaarsiiyeen Agoonta waxaana ay xustay ineey soo dhiibeen muslimiin Soomaaliyeed oo ku nool dalka Norway.
Sanad walba maanta oo kale ayaa waxaa deeqahaani ay yihiin kuwo muslimiin Soomaaliyeed ee ku nool dalka dibadiisa ay usoo marsiiyaan ururka xanaano.
Waxaa diyaariyay wariye C/risaaq Maxamed Axmed
