Maamulka dowlada hoose ee dagmada Galkacyo ee Galmudug ayaa maanta bilaabay dhismaha waddo laami ah, taas oo noqaneysa tii Sadexaad ee maamulku ka bilaabo dhismaheeda magaalada Gaalkacyo. Waxaana maalgeliyay mashruuca SSF ee wasaaradda Maaliyadda Soomaaliya.
Dhismaha waddadaan oo qeyb ka ah mashaariicda wadaagaa ee xoojinta amniga Iyo nabad-galyada Magaalada Gaalkacyo ayaa Waxaa ugu horeyn Ka Warbixiyay duqa Degmada Gaalkacyo, Xirsi Yuusuf Barre, oo Sheegay In dhismaha wadadaan ay qeyb Ka tahay mashaariicda Xoojinta nabad galyada Magaalada oo ay wada fulinayaan maamulada dowlada hoose ee Gaalkacyo ee Galmudug Iyo Puntland
C/raxmaan Cali Diiriye Isxal, oo ah guddoomiyaha gobolka Mudug ayaa bogaadiyay wada shaqeynta maamulada Puntland iyo GalMudug, maadaama mashruucan uusan suurtagaleen haddii aanu jirin wada shaqeynta labada dhinac.
Mashruucan lagu dhisayo waddadan laamiga ah waxaa xiga waddo kale oo affaraad oo laga hirgelin doona isla magaalada Gaalkacyo.
