Madaxweynaha Faransiiska, Francois Hollande, ayaa sheegay in 77 qof ay ku dhinteen kaddib markii gaari xamuul ah la dulmariyay dad u dabaaldegayay munaasabadda Maalinta Bastille, taasoo ka dhacaysay magaalada ku taalla koonfurta Faransiiska ee Nice.
Gaariga oo ku socday xawaaro dheer uu dadka ku dhexmarayay masaafo dhan laba kilo mitir ah, ka hor inta aanay boolisku toogasho ku dilin darawalkii waday gaarigaasi.
Gudaha gaariga ayaa laga dhex helay hub iyo bambooyin, iyadoo ammaanka goobtaasi ay la wareegeen ciidamada loogu talagalay iney la dagaalamaan argagixisada.
Madaxweyne Hollande ayaa shaaciyay in Faransiiska uu kusii jiray xaaladda degdeg ah, isla markaana kumannaan milateri iyo boolis isugu jira ay ka qeyb qaadan doonaan sugida ammaanka dalkaasi.
Warbaahinta Faransiiska ayaa sheegeysa in warqado aqoonsi oo gaariga laga dhex helay ay muujinayaan in darawalka uu ahaa Faransiis asal ahaan Tunisia kasoo jeeda.,Ma jirto cid sheegatay masโuuliyadda weerarkaasi.
