Xalfalada heshiiska lagu kala saxiixday waxaa ka qeybgalay Madax ka socotay Wasaaradda Maaliyadda, Wasaaradda Beeraha, Mas’uuliyiinta Hay’adda Maaliyadda Gargaara iyo madaxda Bangiyada.
Hay’addan uu maalgeliyay Bankiga Bank Aduunka (World Bank) iyo dawladaha xubnaha ka ah ayaa maalinnimadii shalay aheed (22kii September 2022) la saxeexatay Amana Bank hehiis maalgelin ah. Maalgelintaaas wuxuu bankiga Amana siin doonaa ganacsatada Beeralayda, Kaluumaystada, Xoolalayda iyo Ganacsata Tamarta (Renewable Energy).
Gargaara waxay hadda maamusha lacag gaadhaysaa 40 Malyuun, taas oo 26 kamida loogu talagalay inay gaadho ganacsatada yaryar iyo kuwa heerka dhexe ah.
Waxaana lacagtaa toos u maalgeliya bankiyada, Lacagtaasi maaha deeq ee waa maalgelin si markii aay soo noqotaba dad kale loo siiyo, oo aay ummad badan gaadho.
Dadka la maalgelin doono waxaa lagu qiimayn doonaa khibradooda, daacadnimadooda, kartidooda iyo amaanadooda, Bankiyada aay hay’addu maalgelinayso waxaa la mariyaa qiimayn qorshaysan oo laba heer ah.
Qiimayntaas waxaa lagu eegaa awoodda maamul, maaliyadeed, hufnaaneed iyo koboc ee bangiigu leeyahay, Waxaana Bangiyada lagu kala siiyaa derajooyin.
Bangiga Amana ayaa hadda loo aqoonsaday inuu helay derejo fiican oo aay Hay’addu kula macaamili karto, wuxuu Amana leeyahay awood khibradeed, maamul iyo amaano, oo uu lacagtaas ku maamuli karo, taas ayaana keentay in maamul ka Gargaara ogolaado in heshiiskan la saxeexo.
Agaasimayaha Wasaaradda Maaliyadda Mudane Suleymaan Sheekh Cumar oo hadal kooban ka jeediyay ayaa yiri “Hadafka maal-gelintan ayaa diirada saarayaa dadka wax-soosaarka laf-dhabarka uh sida dumarka iyo dhalinyaradda aanan fursad maal-galineed horey u helin si loo kobciyo dhaqaalaha wadanka waqtigaan” ayuu yiri Agaasime Suleyman Sheekh.
Suleyman Cabdi Ducaale ah oo Agaasimaha Gargaara ayaa sharaxay dhaqaalaha ku baxayo Mahsruucan, muhiimadiisa, iyo faa’iidada uu u leeyahay umaddeena, isla markaana Dowladda Soomaaliya iyo Bankiga Aduunka ugu mahadceliyay taageerida maal-gelintaan.
“Heshiiskani waa kii afraad oo Gargaara la saxeexato bankiyada dalka, iyadoo hore kan oo kale la saxeexatay bankiyad Amal, IBS iyo Premier.
Waxay hay’adu qorshaynaysaa inay dhowr banki oo kale heshiisyo la gasho saddexda bilood ee soo socda.
