Wasiiirka Wasaarada Dhallinyarada iyo Cayaaraha Xukuumadda Federaalka ah ee Soomaaliya Mudane Maxamed Barre Maxamuud oo uu weheliyo Wasiirka Wasaaradda Dhallinyarada iyo cayaaraha dowlad goboleedka Hirshabeelle Mudane Maxamed Caynte, Xildhibaanno ka tirsan golaha Shacabka ee baarlamaanka Soomaaliya, Guddoomiyaha Xiriiirka Kubada Cagta Hirshabeelle iyo guddoomiyaha degmada Balcad ayaa si wada jir ah u dhagax dhigay Garooonka Kubada Cagta Dr Ayuub Jeenyo ee ee degmada Balcad.
Garoonkaan oo ay iska kaashadeen bulshada Balcad iyo hay’adda IOM ayaa loo dhisi doonaa si Casri ah, ayada oo la dhigi doono roogga Cagaaran ee garoomada kubadda cagta la dhigo.
Wasiirka Wasaaradda Dhallinyarada iyo Cayaaraha Xukuumadda Federaalka Soomaaliya Mudane Maxamed Barre Maxamuud oo hadal ka jeediyay munaasabadda dhagax dhigga ayaa balan qaaday in Wasaaraddiisu qayb ka mid ah garoonka ay ka dhisi doonto xarun dhallinyarada lagu baro farsamada gacanta iyo xirfado u sahli kara inay si fudud ugu biiraan suuqa shaqada.
Dhismaha iyo qalabaynta garoonkan ayaa qayb wayn ka gaysan doonta horumarinta Isboortiga degmada iyo in dhallinyaradu hellaan goobo ay isugu yimaadaan.
