Dhacdadani waxa ay ka dhacday inta u dhaxeysa degmooyinka Luuq iyo Dooloow ee gobolka Gedo waxaana waxaa ku geeriyooday inta la ogyahay sadax ruux oo laba ka mid ah ay caruur yihiin halka mid ka kalena ay haween aheed sida uu Radio Muqdisho u sheegay Dr Cabdi Aadan Maxamed Agaasimaha Isbitaalka degmada Luuq ee gobolka Gedo kadib markii dadkaasi ay cuneen hilibka neef ay gowracdeen.
3-dii bishaan ayay dhacdadani ka dhacday deegaankaasi oo qiyaastii luuq u jira 35km, in ka badan 120 ruux oo kale ayaa la xanuunsanaya cunida hilibka neefka ay gowracdeen oo qabay xanuun, ka hor gowraca neefka waxaa la siiyay dawo lagula tacaalayay sida uu sheegay Agaasimaha Isbitaalka Luuq
”Neefka ay gowracdeen waa uu xanuunsanaa waxaana la siiyay dawo inta aan la gowracin kadibna dadkii cunay badi waa uu saameeyay waxaa dhintay sadax ruux oo laba caruur tahay 120 qof oo kalana waa ay la xanuunsanayaan sida aan warbixinta ku helnay” ayuu yiri Dr Cabdi Aadan
Qaar ka mid ah odayaasha deegaanka ay dhacdadani ka dhacday ayaa Radio Muqdisho u sheegay in dhacdadani ay ugub ku tahay dhaqaaatiirtani ay u sheegeen in dadka ay ku sumoobeen hilibka ay cuneen.
Dadka deegaanka ayaa intaa ku daray in dadka waxyeeloobay aanay helin gurmad deg deg ah maadaama isbitaaladu ay ka fog yihiin.
Halkaan ka dhegeyso Wareysiga Agaasimaha Isbitaalka Luuq Dr Cabdi Aadan Maxamed
