Waaxda Caafimaadka ee Dowladda hoose ee Xamar ayaa xalay howlo buufin ah ka sameeysay suuq-bacaad oo ah suuqa labaad ee ugu weyn caasimada iyo qeybo kale oo ka mid ah gobolka banaadir.
Gadiidka dowladda hoosee ayaa biyo ay ku jiraan daawo loogu talagalay in lagu dilo jeermiska faafa, waxaa ay ku buufiyeen suuqa labaad ee ugu weyn Magaalada muqdisho ee Suuq bacaad, taas oo qeyb ka ah ka hortago cudurkan ku sii faafaya dalka ee Covid-19.
Guddoomiyaha Gobolka Banaadir ahna duqa muqdisho Cumar Maxamuud Maxamed (Cumar Filish) iyo qaar ka mid ah Guddoomiye ku xigeenada iyo Agaasimayaal ayaa booqday goobahaasi la buufiyay ee Suuq-bacaad.
