Gobolka Kentucky ee dalka maraykanka ayaa waxa ku dhuftay duufaano khasaare geystay iyadoo la soo tebinayo inay dhimashadu hadda marayso 74 qof sida uu sheegay Badhasaabka Gobolka oo la hadlay warbaahintu,tiro ba ilaa afar duufaan oo kala duwan ayaa ku dhufatay Gobolka habeenimadii jumcaha ilaa sabtidii.
Kumanaan qof ayaa wajahaya Guryo la’aan,biyo la’aan iyo koronto la’aan iyadoo dhinaca kale la soo sheegayo in weli la haynin xogtooda 109 qof,duufaanadan ayaa sidoo kale ku dhuftay gobollada Illinois, Mississippi, Missouri, Tennessee iyo Arkansas.
Madaxweynaha Maraykanka Joe Biden ayaa booqan doonaa Kentucky Arbacada si uu u soo indha indheeyo khasaaraha ka dhashay duufaannada.
