Siminaarkaan loo furay Haweenka xildhibaanada ah ee baarlamaanka ku jira oo ah mid soconaya sadax maalin loogana hadlayo doorka haweenka ee siyaasada iyo hormarada kale la xiriira ayaa waxaa lagu qabtay magaalada Muqdisho waxaana ka qayb galay gudoomiye ku xigeenka labaad ee baarlamaanka mudane Mahad Cabdalle Cawad xeer ilaaliyaha guud ee Qaranka mudane Axmed Cali Daahir,wasiir ku xigeenka wasaarada haweenka iyo hormarinta xaquuqul insaanka ,sidoo kale ku xigeeenka madaxa midawga Africa haweeneyda lagu magacaabo Ladio wayonte .
Siminaarka waxaa soo qaban qaabiyay Xafiiska Dumarka u qaabilsan AMISOM waxaana ugu horeynba halkaa ka hadlay Ladiyo Wayonte oo ku dhiiri galisay haweenka Soomaaliyeed doorka ay ku leeyihiin Siyaasada Soomaaliya,
Wasiir ku xigeeenka wasaarada haweenka iyo hormarinta xaquuqul insaanka Marwo Muumino Sheikh Cumar ayaa waxaa iyaduna waxaa ay amaan iyo bogaadin u soo jeedisay AMISOM garab istaagooda haweenka Soomaaliyeed.
“Maanta waxaa sharaf noo ah haweenka xildhibanada ah kabaasity bildhinkooda oo la dhisayo Aad iyo Aad ayaan ugu mahad celinayaa AMISOM oo soo abaabushay dhinaca sharciga in ay ka dhisto haweenka baarlamaanka waana uga mahad celineynaa waana ku faraxsanahay sida quruxda badan ee maanta la iskugu yimid Work shop kaan waana ku faraxsanahay”ayay tiri marwada
Gudoomiye ku xigeeenka labaad ee baarlamaanka mudane Mahad Cabdalle Cawad ayaa waxaa uu si rasmi ah u furay siminaarka waxaana uu la dar daarmay Haweenka loo qabtay Siminaarka ee xildhibaanada ah.
“Waxaa muhiim ah in siminaarkaan looga faa’iideesto in la isla qiimeeyo xaalada dhabta ah ee ay yacnii ku sugan tahay doorka ka qayb qaadashada go’aanada heeer qaranka iyo heer State iyo heer degmo ee haweenka Soomaaliyeed Meeshaan ka soo bilawnay ilaa iyo hadda ma sarey u kac ma hoosey u dhacday ma sideeediibaa maxaa iska badalay xaaladaas”ayuu yiri Cawad.
SAWIR QAADE AXMED CALI KAAHIYE
