Guddoomiye ku xigeenka koowaad ee Aqalka Sare, Mudane Cali Shacbaan Ibraahim oo uu wehliyay Guddoomiye ku xigeenka labaad, Mudane Cabdullaahi Cali Xersi (Timacadde), ayaa maanta shir guddoomiyay kalfadhiga labaad kulankiis 16-aad.
Ajandaha kulanka:
1. Akhrinta Kowaad ee Hindise Sharciyeedka Nidaamka Maaliyadeed ee Kheyraadka Dhulka Hoostiisa
2. Akhrinta Labaad ee Hindise Sharciyeedka Cunaqabateynta Maaliyadeed ee Cayiman.
Sanatarrada Golaha ayaa ugu horreyn dood ka yeeshay sharciga Cunaqabateynta Maaliyadeed ee Cayiman oo marayay akhrintiisa labaad. waxayna soo jeediyeen in maalmo dheeraad ah la siiyo si ay u sii turxaan bixiyaan sharciga.
Dhinaca kale Wasiirka Wasaaradda Maaliyadda Xukuumadda Federaalka Soomaaliya, Mudane Cilmi Maxamuud Nuur ayaa Sanatarrada Aqalka Sare u akhriyay sharciga Nidaamka Maaliyadeed ee Kheyraadka Dhulka Hoostiisa, oo uu Wasiirku sheegay in sharcigaan muhiimiyad gaar ah uu Dalka u leeyahay is;amarkaana uu ka mid yahay sharciyada qaybta ka ah Barnaamijka deyn cafinta Dalka.
