Xarunta Golaha Baarlamaanka Galmudug ee Magaalada dhuusamareeb, Waxaa maanta si rasmi ah uga furmay kal-fadhiga 5-aad kulankiisa 1-aad, fadhiga maanta ee Golaha Baarlamaanka Galmudug, Waxaa shir guddoominayey guddoomiyaha Baarlamaanka Galmudug Dr Maxamed Nuur Gacal, Waxaana ku wehlinaayay Guddoomiye ku-xigeen 2aad Faadumo Cabdi Cali.
Ajandaha kulanka Golaha Baarlamaanka, ayaa ahaa:
1’ Ansixinta Jadwal-Hawleedka Kalfadhiga 5aad.
2’ Warbixinta Xaaladda Guddiyada Baarlamaanka.
Guddoomiyaha Baarlamaanka Galmudug Dr Maxamed Nuur Gacal oo kulanka furay, ayaa Xildhibaanada u aqriyay jadwal hawleedka kalfadhiga 5aad ee uu maanta uu qabsoomay kulankiisii 1aad.
Xildhibaanada, ayaa ka dooday jadwal hawleedka kalfadhiga 5aad iyagoo ugu dambeyntii meel mariyay jadwal hawleedka kalfadhiga 5aad.Sidoo kale Guddoomiyasha Guddiyada Baarlamaanka,ayaa kulanka looga dhageystay warbixino ku saabsan xaaladaha amni iyo abaareed ee deegaanada Galmudug
Ugu dambeyntii kulanka waxaa soo xiray Guddoomiyaha Baarlamaanka Galmudug Dr Maxamed Nuur Gacal.
