Golaha wasiirrada ee xukuumadda Federaalka Soomaaliya ayaa maanta shirkoodi caadiga ahaa ku yeeshay magaalada Muqdisho waxaana shir gudoominayay R/wasaaraha Soomaaliya Cumar C/rashiid Cali Sharmaโarke.
Afhayeenka xukuumadda oo shirka kaddib saxaafadda la hadlay ayaa sheegay in kulanka gobolaha wasiirrada maanta warbixin looga dhageeystay wasiirka arrimaha gudaha Mudane C/raxmaan Maxamed Odawaa oo ka mid ahaa wafdigii madaxweynaha ee booqashada ku tagay Beledweyne.
Related posts
Wasiir Odawaa ayaa xusay in safarkii uu madaxweynuhu ku tagay Beledweyne laga gaaray guulo waaweeyn iyo isfaham, isagoo dhinaca kale tilmaamay in heshiis buuxa laga gaaray dagaal beeleedyo ka dhacay Beledweyne.
Golaha wasiirrada ayaa maanta ansixiyay sharciga xanaanada xoolaha oo ay soo bandhigtay wasaaradda xanaanada xoolaha, kaasoo mudnaan gaar ah u leh xaanaaneynta xoolaha, iyo iib geyntoodaba.
Dhinaca kale golaha wasiirrada ayaa aqbalay in Soomaaliya ay xubin ka noqota heyโadda ย Islaamiga ah ee horumarinta dhaqaalaha ee loo yaqaano ICD, waxa ayna heyโadaasi hoos tagtaa bangiga horumarinta Islaamka.
Golaha wasiirrada ayaa sidoo kale ansixiyay heshiiska tayo dhowrka Qaranka oo ay soo gudbisay wasaaradda Ganacsiga iyo warshadaha, waxaana tayo dhowr lagu sameyn doonaa dhameen badeecadaha dibadda laga keeno.
