Dhowr maalin oo shaqo joojin u aheyd bahda gaadiidlayda Bajaajta ee magaalada Garoowe iskugu socdaasha ayaa magaalada laga dareemay, Waxaa shir isugu yimid guddiga amniga Gobalka Nugaal Iyo Bajaajlayda si xal looga gaaro cabashadooda oo salka ku haysay in laga mamnuucay Bajaajta adeegsiga jidadka wadnaha u ah Magaalada.
Guddoomiyaha Gobalka Nugaal Cawil Maxamuud Xasan Cawil Mataan oo ka hadlayay kulankan laba geesoodka ahaa ayaa kula dardaarmay mulkiilayaasha Bajaajta iyo wadayaashooda inay la yimaadaan Mas’uuliyad iyo inay wax ka badalaan hab dhaqanki hore ee lagu bartay nidaamka iyo sharcigana dhowraan..
Qodobada ay isla qaateen labada dhinac waxaa kamid ahaa in wadayaasha gaadiidka Bajaajta loo sameeyo laysin gaar ah , in la hakiyo laysin siinta Bajaajta cusub si loo yareeyo guud ahaan Bajaajta soo galaysa Magaalada .
