Guddiga Gurmadka Fatahaadaha Dowlad Goboleedka Hirshabeelle ayaa maanta kulan la qaatay Hay’adaha Samafalka ee ku sugan Magalaada Beledweyne.
Kulanka Guddiga Fatahaadaha iyo Hay’adaha Samafalka waxaa sidoo kale Aaladda fogaan aragga kala soo qeybgalay Hay’adaha Caalamiga ah ee ka shaqeeya Samafalka iyo arrimaha eini’aadannimada, iyagoo ka arrinsaday xaaladda fatahaaadaha ee ka jirta Magaalada Beledweyne iyo sidii loogu gurman lahaa dadka ay saameeyeen Fatahaada Wabiga Shabeelle.
Guddiga Gurmadka Fatahaadaha ayaa tilmaamay in xaalad beni’aadannimo oo daran ay ka jirto Magaalada Beledweyne waxa ayna sheegeen in loo baahan yahay gurmad Qaran si loo samatabixiyo dadka guryahooda ka soo barakacay, iyadoo kulankaan uu goob joog ka ahaa Guddoomiyaha Hay’adda Maareynta Musiibooyinka Qaranka Mudane Maxamuud Macalin Cabdulle.
